ఆంధ్రభారతి - తాళ్లపాక అన్నమాచార్య కీర్తనలు - ముందు ముందుగాఁ బతికి మొక్కితి ననరే మీరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1976-6
సంపుటము: 29-396

తాళ్లపాక అన్నమాచార్య

రాగము: శ్రీరాగం

ముందు ముందుగాఁ బతికి మొక్కితి ననరే మీరు మందలించి తన మేలు మరచేనా నేను	॥పల్లవి॥
చల్లఁగానే మాఁటలాడి చవులెల్లా బుట్టించి పెల్లున నన్నిటా వలపించెఁగా తాను యెల్లవారిలోనా నిఁక నెట్టు నన్ను మన్నించినా చెల్లుబడిగానే సంతోసించుకొనే నేను	॥మందు॥
పువ్వులనే నన్ను వేసి బుజ్జగించి సన్నసేసి రివ్వనఁ జుట్టరికము రేఁచెఁగా తాను రవ్వగాఁ దన నా పొందు రతికెక్కిన వెనక నవ్వుతా నొక్క మనసుననే వుండే నేను	॥ముందు॥
గుట్టున నుంకువ వెట్టి కూరిములు చల్లి చల్లి అట్టె నన్నుఁ గాఁగిటఁ బెండ్లాడెఁగాను తాను పట్టపు దేవిఁగా నిట్టె పాలించె శ్రీవేంకటేశుఁ డెట్టు నన్నుఁ భాలించినా నియ్యకొనే నేను	॥ముందు॥