ఆంధ్రభారతి - తాళ్లపాక అన్నమాచార్య కీర్తనలు - చెలియ నా విన్నపము చిత్తానఁ బెట్టుమను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1977-4
సంపుటము: 29-400

తాళ్లపాక అన్నమాచార్య

రాగము: రామక్రియ

చెలియ నా విన్నపము చిత్తానఁ బెట్టుమను తెలిపేనంటే నంత దిట్టఁగాను నేను	॥పల్లవి॥
ఆసపడ్డ ముద్దరాల నలయించవద్దను సేసవెట్టి మరి రట్టు సేయకుమను పాసి పోక మొక్కఁగాను పరాకు సేయకుమను రాసి కెక్కె నా వలపు రక్షించుమను	॥చెలి॥
కాఁపురము సేయఁగాను కాకుసేయదగదను చేపట్టి వదలరాదు చెప్పితినను యేపొద్దూ నేమొక్కఁగాను యెరవు గాకుండుమను నా పసలన్నీ నెరుఁగు నన్ను నేలుకొమ్మను	॥చెలి॥
నే నలమేలుమంగను నెపాలు చప్పకుమను పూని నాతో నవ్వె నిఁకఁ బోకుమను తాను శ్రీవేంకటేశుఁడు తగులైతి నుండుమను తానక మాయ పొందు తలపోసుకొమ్మను	॥చెలి॥