శృంగార సంకీర్తన
రేకు: 1977-5
సంపుటము: 29-401
రేకు: 1977-5
సంపుటము: 29-401
తాళ్లపాక అన్నమాచార్య
రాగము: పాడి
| ఒక్క మనసాయ నిఁక నుండవయ్యా మిక్కుటపు నీ చేఁతలు మెచ్చితినయ్యా | ॥పల్లవి॥ |
| తగవులఁ బెట్టి పెట్టి తగిలి పెండ్లాడితివి నగి నగి కొనగోరు నాఁటించితివి మొగము చూపి చూపి ముట్ట వలపించితివి అగడు సే సింకా నెంత ఆసలఁబెట్టేవయ్యా | ॥ఒక్క॥ |
| సరసము లాడి యాడి చవులెల్లా రేఁచితివి పొరుగున నుండి వుండి పొందుకొంటివి తెరవేసి తేరవేసి తేనెమోవి యానితిని తరితీపు లప్పటి నెందాఁకాఁ జేసేనయ్యా | ॥ఒక్క॥ |
| మళ్లి మళ్లి చూచి చూచి మరిగించుకొంటివి తెల్లమిగాఁ గూడి కూడా తేలించితివి యెల్లగా శ్రీవేంకటేశ యిన్నింటా నన్నేలితివి పల్లదాన మరియేమి బాఁతిపడేవయ్యా | ॥ఒక్క॥ |