ఆంధ్రభారతి - తాళ్లపాక అన్నమాచార్య కీర్తనలు - ఇన్నిటాఁ గనుఁగొంటిమి ఇంతి నీపైఁ గల బత్తి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1977-6
సంపుటము: 29-402

తాళ్లపాక అన్నమాచార్య

రాగము: ఆహిరి

ఇన్నిటాఁ గనుఁగొంటిమి ఇంతి నీపైఁ గల బత్తి వెన్నెల తేటనవ్వుల వెలయించే దెపుడో	॥పల్లవి॥
పొంగఁ బొంగఁ బొంగులాయ పొలఁతి కోరిక లవి అంగడి బేరాలాయ నడియాసలు ముంగిటి ముగ్గులాయ మునుకొన్న సిగ్గులు అంగనను దయఁజూచి యాదరించే దెపుడో	॥ఇన్ని॥
చూడఁ జూడఁ బౌఁజులాయ సుదతి కను చూపులు వొడఁగట్టు దలాలాయ వొడఁబాటులు వీడెపు బుక్కిళ్లాయ వినుకలి విరహాలు యీడులేని జవరాలు నేలే దిఁక నెపుడో	॥ఇన్ని॥
ఊర నూర నూటులాయ నువిద తమకములు గోర గీర నేరులాయ కూరిములు యీరీతి శ్రీవేంకటేశ యీకె నిట్టె కూడితివి తారుకాణ నీ మాఁటలు తలఁపించే దెపుడో	॥ఇన్ని॥