ఆంధ్రభారతి - తాళ్లపాక అన్నమాచార్య కీర్తనలు - పట్టెఁడెసి చన్నుల పాయపుదానవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1978-5
సంపుటము: 29-407

తాళ్లపాక అన్నమాచార్య

రాగము: సింధురామక్రియ

పట్టెఁడెసి చన్నుల పాయపుదానవు యెట్టు వేసాలు సేసేవే యిందరుఁ జూఁడగాను	॥పల్లవి॥
చెక్కిటి చేతితోడ సిగ్గులు వడేవేమే అక్కరతో నాతఁడు మాఁటాడఁగాను గుక్కుకొంటా వలపులు గుబ్బతిలే వది యేమే చక్కెర మోవి చూపి సన్న సేయఁగాను	॥పట్టెఁ॥
సెలవుల నవ్వుకొంటా శిరసు వంచేవేమే అలరి యాతఁడు చన్నులంటఁగాను వులికి తీగెలు సాగ నూఁకొనే వది యేమే పిలిచి యాతఁడు నిన్నుఁబేరుకొనఁగాను	॥పట్టెఁ॥
వెరగంది ముక్కుమీఁద వేలువెట్టే వది యేమే తెరవేసు కాతఁడు నీ దిక్కు చూడఁగా సరి నలమేలుమంగపు సాదించే వది యేమే యిరవై శ్రీవేంకటేశుఁ డీతఁడు గూడఁగాను	॥పట్టెఁ॥