ఆంధ్రభారతి - తాళ్లపాక అన్నమాచార్య కీర్తనలు - కొమ్మకు నీ విట్టే పెండ్లికొడుకవై వచ్చితివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1979-6
సంపుటము: 29-414

తాళ్లపాక అన్నమాచార్య

రాగము: ముఖారి

కొమ్మకు నీ విట్టే పెండ్లికొడుకవై వచ్చితివి ఇమ్ముల సిగ్గువడక యేలుకోవయా	॥పల్లవి॥
పుత్తడివంటిది యీ పొలఁతి చక్కఁదనము చిత్తరువువంటిది మించిన రూపము క్రొత్తమెఱుఁగువంటిది కోమలపు దేహము చిత్తగించవయ్యా యీకె సింగారము	॥కొమ్మ॥
పూవుఁదీగెవంటిది పొలుపైన యీకె తీరు వావిరి బైఁడిసలాకవంటిది రేక సోవఁ జిగురువంటిది చూచితేను నిలువెల్లా వేవేగఁ జూడవయ్యా యీ విలాసము	॥కొమ్మ॥
వన్నెల నాణిముత్తెమువంటిది తన పోలిక వెన్నెల సోగవంటిది వింత భావము యిన్నిటా శ్రీవేంకటేశ యింతి నిట్టె కూడితివి వున్నతి మెచ్చవయ్యా యీ వొయ్యారము	॥కొమ్మ॥