ఆంధ్రభారతి - తాళ్లపాక అన్నమాచార్య కీర్తనలు - ఇట తరవాతి పనులెల్లా నీ చేతివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1980-1
సంపుటము: 29-415

తాళ్లపాక అన్నమాచార్య

రాగము: సాళంగం

ఇట తరవాతి పనులెల్లా నీ చేతివి యెటువలె మన్నించినా నితవే నాకు	॥పల్లవి॥
వేవేలుగా గొసరితి విన్నపము సేసితి నీ వేమి సేసినా మేలే నీ చిత్తము వావులెల్లాఁ దెలిపితి వాడికల మెలఁగితి భావించి నీ యాలనౌటే పదివేలు నాకును	॥ఇట॥
చేతులెత్తి మొక్కితి చిత్తము గరఁగించితి నీ తలఁపెట్టున్నా మేలే నీ చిత్తము కాతరాన వలచితి కన్నుల నిన్నుఁ జూచితి ఆతుమలో నీ వుండుటే అన్ని యీవులు నాకు	॥ఇట॥
కాఁపురాలు సేసితి కంకణము గట్టుకొంటి నీ పొందు లన్నియు మేలే నీ చిత్తము యేపున శ్రీవేంకటేశ యిట్టె నన్ను నేలితివి కాపాడేటి నీ కరుణ ఘన సంపద నాకు	॥ఇట॥