ఆంధ్రభారతి - తాళ్లపాక అన్నమాచార్య కీర్తనలు - నీ కొలఁది గాదు గదె నీ చేఁతలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1980-2
సంపుటము: 29-416

తాళ్లపాక అన్నమాచార్య

రాగము: నాదరామక్రియ

నీ కొలఁది గాదు గదె నీ చేఁతలు యీ కడ నీ దంటతనా లెక్కుడాయఁ గదవే	॥పల్లవి॥
కాచియుఁ గావవు నీ చక్కని చన్నులు పూచియుఁ బూవవు నీ పూఁప నవ్వులు చూచియుఁ జూడదు చౌల సొంపు నీ మోవి యేచి యిసుమంతదాన వెంత నేరిచితివే	॥నీకొల॥
కూడియుఁ గూడవు నీ కొప్పు విరులు వీడియు వీడవు నీ వెడ సిగ్గులు ఆడియు నాడని వీ వొయ్యారి మాటలు యీడు లెట్టుకొని నాతో నేల పెనఁగేవే	॥నీకొలఁ॥
తనిసీఁ దనియదు చిత్తము రతుల మొనసీ మొనయపు నీ మొన గోరులు యెనసె శ్రీవేంకటేశుఁ డింతలో నన్ను ననిచి యీతని నేల నంటుసేసుకొనేవే	॥నీ కొలఁ॥