ఆంధ్రభారతి - తాళ్లపాక అన్నమాచార్య కీర్తనలు - ఇంతులాల చూడరే యీకె బాగులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1980-5
సంపుటము: 29-419

తాళ్లపాక అన్నమాచార్య

రాగము: దేశాక్షి

ఇంతులాల చూడరే యీకె బాగులు వింత వింత సింగారాల వినోదించీ నిపుడు	॥పల్లవి॥
వెలఁది నవ్వులనే వెన్నెలలు గాసీని తొలుతనే మొగము చంద్రుఁడు గనక వలపుల చెమటల వానలు గురిసీని మెలుపునఁ దురమే మేఘము గనక	॥ఇంతు॥
కొనచూపుల దూరనఁ గోలలుగాఁబొంచి యేసీ నును బొమ్మలే సింగిణులు గనక తన మాఁటలను తియ్యఁదనములు వెదచల్లీ నినుపుఁగెమ్మోవి తేనియపెర గనక	॥ఇంతు॥
వడిఁ గళల బదారు వన్నెలతో మెరసీని అడరి తానే కనకాంగి కనక గుడిగొని పెద్ద చనుఁగొండలతో చెలరేఁగీ యెడయక శ్రీవేంకటేశు దీవి గనక	॥ఇంతు॥