ఆంధ్రభారతి - తాళ్లపాక అన్నమాచార్య కీర్తనలు - చూచి చూచి నాకు నిట్టె సోద్యమయ్యీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1981-3
సంపుటము: 29-423

తాళ్లపాక అన్నమాచార్య

రాగము: రామక్రియ

చూచి చూచి నాకు నిట్టె సోద్యమయ్యీని కాచుక తా నెందుండి కలిగెనోకాని	॥పల్లవి॥
చెలరేఁగి చెలరేఁగి సేవలెల్లాఁ జేసీని కలికి నీ చిత్త మెట్టు గనెనోకాని మలసి మలసి నీతో మారుకొని మాఁటలాడీ యెలమి నీ వెంత చన విచ్చితివోకాని	॥చూచి॥
నానఁబెట్టి నానఁబెట్టి నవ్వు లెల్లా నవ్వీని ఆనుక నీ కెంత చుట్టమాయెనోకాని కానుకిచ్చి కానుకిచ్చి కతలెల్లాఁ జెప్పీని సేవలుగానే సన్నలు సేసితివోకాని	॥చూచి॥
చేయి ముట్టి చేయి ముట్టి చెనకఁగ వచ్చీని నీ యితవెరఁగ వెంత నేర్చునోకాని యీయెడ శ్రీవేంకటేశ యిటు నన్ను నేలితివి చాయల నాపెకూ నెంత సతమయితివోకాని	॥చూచి॥