ఆంధ్రభారతి - తాళ్లపాక అన్నమాచార్య కీర్తనలు - చేకొని నాకు బుద్దులు చెప్పే వప్పట నుండి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1981-5
సంపుటము: 29-425

తాళ్లపాక అన్నమాచార్య

రాగము: ఆహిరి

చేకొని నాకు బుద్దులు చెప్పే వప్పట నుండి జోకతోడ వేళలెల్లాఁ జూచి చెప్పుతా రావే	॥పల్లవి॥
యేకతాన బతివద్ది కేరీతి నే వత్తునే ఆకడ నెవ్వతె బిల్వనంపుకున్నాఁడో కాక, తన్ను నెట్టా నిక్కడికి రమ్మందునే కైకొని యే పనులకు గాచుకున్నాఁడో	॥చేకొని॥
కామించి కామించి యీతని కెట్టు గదిసి వీడెమిత్తునే ప్రేమ నెవ్వతెఁ దెరలోఁ బెట్టుకున్నాఁడో ఆముకొని పెనఁగఁగ నది యెట్టు గూడెనే చేముంచి యిప్పు డాతని చిత్త మేడ నున్నదో	॥చేకొని॥
గక్కన నే నెటువలెఁ గాఁగిలించుకొందునే అక్కర నే కాంతఁ బెండ్లి యాడినాడో ఇక్కడ శ్రీవేంకటేశుఁ డింతలోఁ దా నన్నేలె తక్కక నామీఁద నెంత దయసేసినాఁడో	॥చేకొని॥