ఆంధ్రభారతి - తాళ్లపాక అన్నమాచార్య కీర్తనలు - చెప్పవయ్యా ఇంకా నీ పె చేఁతలు వినేఁగాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1983-1
సంపుటము: 29-433

తాళ్లపాక అన్నమాచార్య

రాగము: వరాళి

చెప్పవయ్యా ఇంకా నీ పె చేఁతలు వినేఁగాని ఇప్పుడు నీవద్దనున్న దెవ్వతెయ్యా యీపె	॥పల్లవి॥
వేడుకతో నల్ల నాఁడు వీదివెంట నీవు రాఁగా ఆడరాని మాఁటాడిన ఆపెవో యీపె జాడతోడ నీతోను సరి వెనఁగుకొంటాను వోడక నిన్నుఁ జన్నుల నొత్తినాపె యీపె	॥చెప్ప॥
గుట్టున నెవ్వతెతోనో కోరి నీవు మాఁటాడఁగా అట్టె కొంగువట్టి తీసినాపె యీపె పొట్టఁబొరుగుననే నీ బుజాన రేకలు దీసి రట్టు సేసినట్టు జగరాఁగా యీపె	॥చెప్ప॥
సేసవెట్టి పెండ్లాడిన చెలుచెల్లా నుండఁగాను ఆసలు మీకు రేఁచిన ఆపె యీపె రాసికెక్క శ్రీవేంకటరమణ నన్నేలితివి వాసితో నిన్నుఁ జెనకేవాడికాపె యీపె	॥చెప్ప॥