ఆంధ్రభారతి - తాళ్లపాక అన్నమాచార్య కీర్తనలు - ఊరకున్నాపెను నీవే వొక్కక్కటే రేఁచితివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1983-3
సంపుటము: 29-435

తాళ్లపాక అన్నమాచార్య

రాగము: ముఖారి

ఊరకున్నాపెను నీవే వొక్కక్కటే రేఁచితివి గారవపు టీపెవల్లఁ గడమ లే దెందును	॥పల్లవి॥
కిలకిల నవ్వఁగాఁబో కెరవి నీ జవరాలు కెలసి బొమ్మల జంకించె నిన్నును బలిమిఁ జెనకఁగాఁబో పక్కనఁ దప్పించుకొని సొలసి నిట్ట చూపులఁ జూచె నిన్నును	॥ఊర॥
పంతము లాడఁగఁబో పచ్చిదేర చెవిలోన మంతనాన నొట్టువెట్టి మాఁటలాడెను పొంత జన్ను లంటఁగాఁబో పొంచి కొప్పువట్టి తీసి కొంత గొంతములు వాఁడిగోర నూఁదె నిన్నును	॥ఊర॥
మోవి తెనెడుగఁగాఁబో మొక్కలాన బైకొని కావరాన నీ మోవి గంటిసేసెను యీవేళ శ్రీవేంకటేశ యీకె నిట్టె కూడితివి కైవశమై వుండఁగాఁబో కడు మెచ్చె నిన్నును	॥ఊర॥