ఆంధ్రభారతి - తాళ్లపాక అన్నమాచార్య కీర్తనలు - ఎన్నిలేవు పనులు నీ కెంచుక సేసేనంటే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1983-5
సంపుటము: 29-437

తాళ్లపాక అన్నమాచార్య

రాగము: పాడి

ఎన్నిలేవు పనులు నీ కెంచుక సేసేనంటే మన్నింతువుగాక జోలి మరి యేలయ్యా	॥పల్లవి॥
పలుకు దేనెల మోవి పచారించి వేఁడుకొనీ చెలియ మనవు లింకఁ జేకొనవయ్యా కొలువు లిందాఁకా జేసి కొసరి నిన్నుఁ బిలిచీ యెలమి నీకె ఇంటికి రావయ్యా	॥ఎన్ని॥
చిగురుఁ జేతుల నిన్ను చెయివట్టి పెనఁగీని మగువ చేఁతలకు సమ్మతించవయ్యా మొగము చూచి నీకు మెక్కులెల్లా మొక్కీని అగపడి యీకె చెప్పినట్టు సేయవయ్యా	॥ఎన్ని॥
కుంకుమ గుబ్బల నిన్నుఁ గుచ్చి కాఁగిలించుకొనీ లంకెలఁ బాయక ఇఁక లాలించవయ్యా తెంకికి నిన్నుఁబిల్చి తెరవేసుకొనె నీకె అంకెల శ్రీవేంకటేశ ఆదరించవయ్యా	॥ఎన్ని॥