ఆంధ్రభారతి - తాళ్లపాక అన్నమాచార్య కీర్తనలు - పడఁతిరో నీ వేఁటికి పంతములాడ వచ్చేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1984-2
సంపుటము: 29-440

తాళ్లపాక అన్నమాచార్య

రాగము: ముఖారి

పడఁతిరో నీ వేఁటికి పంతములాడ వచ్చేవు అడియాలా లెల్లా గంటి వౌఁగాదనఁగలవా	॥పల్లవి॥
కొమ్మ బొమ్మవిండ్లను గురులేసీ నీమీఁద చిమ్మి వొడ్డించుక సాముసేయఁగలవా కమ్మటిఁ జిరునవ్వుల కప్రవసంతము చల్లీ నెమ్మది నాకె ముందర నిలువఁగఁగలవా	॥పడఁ॥
నెలఁత చనుగుబ్బల నిమ్మపండ్లె గరవేసీ బలిమి నీ చేతులను పట్టఁగలవా సళుపుల మాటల చలివంది లిదె పెట్టీ కలసి యందుకు లోనుగాకుండఁగలవా	॥పడఁ॥
మగువ మోవి సన్నల మచ్చులు వేసీ నవిగో తగులు వడక నీవు దాయగలవా నిగిడి శ్రీవేంకటేశ నీ వేకె గూడితివి తగిలీ నిన్ను రతులఁ దప్పించుకోఁగలవా	॥పడఁ॥