ఆంధ్రభారతి - తాళ్లపాక అన్నమాచార్య కీర్తనలు - ఉప్పవడము గాకున్నా రిందరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 24-6
సంపుటము: 1-148

తాళ్లపాక అన్నమాచార్య

రాగము: ధన్నాసి

^[1]ఉప్పవడము గాకున్నా రిందరు యెప్పుడు రేయి నీకెప్పుడు పగలు	॥ఉప్ప॥
కన్నుల చంద్రుఁడును కమలమిత్రుఁడును వున్నతి నివి నీకుండఁగను వెన్నెల యెండలు వెలయఁగ మేల్కొను- టెన్నఁడు నిద్దర యెన్నఁడు నీకు	॥ఉప్ప॥
కందువ సతి కనుఁగలువలు ముఖార- విందము నిదివో వికసించె ముందర నిద్దుర మొలవదు చూచిన విందగు నీతెలివికిఁ దుద యేది	॥ఉప్ప॥
తమము రాజసము తగు సాత్వికమును నమరిన నీ మాయారతులు కమలాధిప వేంకటగిరీశ నిన్ను ప్రమదము మఱపునుఁ బైకొనుటెట్లా	॥ఉప్ప॥

^[1] ఇది ఒకపాటి శృంగారకీర్తనల ఛాయలోనిది.