ఆంధ్రభారతి - తాళ్లపాక అన్నమాచార్య కీర్తనలు - చూడఁగదరే యీతని సుద్దులు వో చెలులాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1984-4
సంపుటము: 29-442

తాళ్లపాక అన్నమాచార్య

రాగము: పాడి

చూడఁగదరే యీతని సుద్దులు వో చెలులాల వాడలోన నివీఁ గొన్ని వట్టివేసాలు	॥పల్లవి॥
వెంగెము లాడితినా వెస దనదిక్కు చూచి చెంగి చెంగి తా నేల సిగ్గువడీనే అంగడిఁ బెట్టితినా ఆరడిఁ దన చేఁతలు యెంగిలి మోవి మూసుక యేల నవ్వీనే	॥చూడఁ॥
తప్పక చూచితినా తన మేని గురుతులు అప్పుడే పచ్చడ మెంత కప్పుకొనీనే తప్పులువట్టితినా తా నాడినమాటఁలు చొప్పులుగాఁ దా నిదేమి వొట్టువెట్టొకనీనే	॥చూడఁ॥
గోరికొన నూఁదితినా కొడిమలెల్లా గట్టి చేరి వేఁడుకొని యాల చెక్కు నొక్కనే యీరీతి శ్రీవేంకటేశుఁ డిన్నిటాను నన్ను నేలె తారుకాణించి నా కెన్ని తగవులు చెప్పీనే	॥చూడ॥