ఆంధ్రభారతి - తాళ్లపాక అన్నమాచార్య కీర్తనలు - బత్తిగల జవరాల పాయపు పెండ్లికూఁతుర - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1984-6
సంపుటము: 29-444

తాళ్లపాక అన్నమాచార్య

రాగము: సాళంగనాట

బత్తిగల జవరాల పాయపు పెండ్లికూఁతుర చిత్తమురా బతిసేవ సేయఁగదే యిఁకను	॥పల్లవి॥
యెడయక విభుఁడు నీ యింటి కిదె వచ్చినాఁడు నిడువాలుఁ జూపులను నివాళియ్యవే బడి నీతనిఁ గూడి పండుగ దినము నేఁడు గుడిగొన్న నవ్వుల ముగ్గులు వెట్టవే	॥బత్తి॥
సొలవక నీకు దన చుట్టరికమెల్లాఁ జెప్పి వెలయ నీ మోవితేనె విందువెట్టవే పొలుపైన తలపోఁత పొంతనాలు నొనగూడె పలుకుల కప్పురాల బాగాలు వెట్టవే	॥బత్తి॥
మంతనపుఁ గాఁగిటికి మంచి లగినము వచ్చె బంతిఁ బులకల శాస పైఁజల్లవే యింతలో శ్రీవేంకటేశుఁ డిన్నింటాను నిన్ను నేలె వింత వింత రతులను వీడు దోళ్ళాడవే	॥బత్తి॥