ఆంధ్రభారతి - తాళ్లపాక అన్నమాచార్య కీర్తనలు - అన్నిటాను వెగటైన ఆఁడువారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1985-2
సంపుటము: 29-446

తాళ్లపాక అన్నమాచార్య

రాగము: మాళవిగౌళ

అన్నిటాను వెగటైన ఆఁడువారము యెన్ని లేవు మా సుద్దులు యేమి సేతుమయ్యా	॥పల్లవి॥
మొలక నవ్వు నవ్వితే మురిపెమువలె నుండు సొలసితే రాజసము చూపి నట్టుండు కలికనై మాఁటాడితే గయ్యాళించి నట్టుండు యెలమి మావోజ లివి యేమి సేతుమయ్యా	॥అన్న॥
దగ్గరఁ గూచుండితేను దంటతనమై యుండు సిగ్గువడి వుంటే గర్వించిన యట్లుండు వొగ్గి పెనఁగవచ్చితే వుద్దండములై నట్లుండు యెగ్గు దప్పు లెఱఁగము యేమి సేతుమయ్యా	॥అన్ని॥
అదనఁ గాఁగిలించితే నారజమువలె నుండు యెదుట నిలుచుంటేనే యెమ్మెలై యుండు వెదకివచ్చి నన్ను శ్రీవేంకటేశ కూడితివి ఇదవో మా కాఁపురము యేమి సేతుమయ్యా	॥అన్ని॥