ఆంధ్రభారతి - తాళ్లపాక అన్నమాచార్య కీర్తనలు - ఒనరిన చోటికి వొలుపే మేలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1985-3
సంపుటము: 29-447

తాళ్లపాక అన్నమాచార్య

రాగము: వరాళి

ఒనరిన చోటికి వొలుపే మేలు ననుపులు వచరించి నవ్వు నవ్వవే	॥పల్లవి॥
యింత యాలే వెగటు యిదేమే నీపగటు అంతేసి వద్దే విరహపు సొగటు చెంతనే విభుఁడు వచ్చి చెక్కు నొక్కి వీడె మిచ్చీ సంతోసాన నందుకొని సంగడిఁ గూచుండవే	॥ఒన॥
యేఁటికే యీ సొలపు యి దేడదే యలపు గాఁటమాయఁ గోరికల కలగలపు యీటుతోఁ బువ్వులవేసి యీతఁడు పొందుకులాసీ చోటిచ్చి సరసమాడి చొక్కించవే	॥ఒన॥
యెందాఁకానే మరఁగు యెట్టిదే నీ చెఱఁగు మందలించరాదే నీ మతి కరఁగు చెంది నిన్ను నింతలోనె శ్రీవేంకటేశుఁడు గూడె చందముగా మోవితేనె చవి చూపవే	॥ఒన॥