ఆంధ్రభారతి - తాళ్లపాక అన్నమాచార్య కీర్తనలు - తన కెదురాడేనా తన మేలుదాన నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1985-4
సంపుటము: 29-448

తాళ్లపాక అన్నమాచార్య

రాగము: ఆహిరి

తన కెదురాడేనా తన మేలుదాన నేను మనలో నొరయనేల మన్నించమనవే	॥పల్లవి॥
చెప్పఁ జెప్పఁ గొత్తలాయ చేరి తన సుద్దులెల్లా అప్పుడే నే వింటిని రమ్మనవే నీవు వుప్పుచిం దినుమడాయ వొద్దనేనా యెట్ల్తెనా తప్పు లెంచఁ జనిలేదు తనిసితి నేను	॥తన॥
చూడఁ జూడ సోద్యమాయ సొరిది దన చేఁతలు యీడనుండే కంటి నిఁక నేమీ నననే వేడుకకు వెలలేదు వెంగెమాడేదానగాను గోడలేని చిత్తఱువు కొసరేనా నేను	॥తన॥
సేయఁ జేయ రాసులాయ చెల్లెఁ దన వలపులు పాయక నే నియ్యకొంటిఁ బదరనేలే ఱాయి గిలిగించితేను ఱట్టౌ శ్రీవేంకటేశుఁ - డీయడ నన్నేలినాఁడు యెరిఁగితి నేను	॥తన॥