ఆంధ్రభారతి - తాళ్లపాక అన్నమాచార్య కీర్తనలు - మగనితో నేమిటికే మందెమేళాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1985-6
సంపుటము: 29-450

తాళ్లపాక అన్నమాచార్య

రాగము: సాళంగనాట

మగనితో నేమిటికే మందెమేళాలు నగుతా నుండితేనే ననుపౌఁగాక	॥పల్లవి॥
చనుఁగవ నొరసేవు సంగడిఁ గూచుండుకొంటా మొనగోరు మోపేవు మొక్కేనంటాను పెనఁగులాడ వచ్చేవు ప్రియములు చెప్పుతానే యెనలేని నీ బిరుదు లేల చూపేనే	॥మగ॥
తమలము చిందేవు తగిలి మాఁటాడుతానే చెమటలు చిమ్మేవు చెనకుతానే తమకము రేఁచేవు తగఁ బాదాలొత్తుతావే అమరునే నీ చేఁతలు అన్నియును గంటిమి	॥మగ॥
యెంగిలి సేసేవు మోవి యేకతము లాడుతానే కొంగువట్టే వప్పటిని కొసరుతానే అంగవించి శ్రీవేంకటాధిపుడు నిన్నుఁ గూడె కంగులేని నీ వలపు కానవచ్చె నిపుడు	॥మగ॥