ఆంధ్రభారతి - తాళ్లపాక అన్నమాచార్య కీర్తనలు - ఎన్ని లేవు నీ సుద్దులు యెంచఁ బనిలేదుగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1986-6
సంపుటము: 29-456

తాళ్లపాక అన్నమాచార్య

రాగము: వరాళి

ఎన్ని లేవు నీ సుద్దులు యెంచఁ బనిలేదుగాక పన్నుక యిన్నిటాఁ జెల్లుబడైనవేకావా	॥పల్లవి॥
అంటే నీ మాఁటలకు నడ్డమాడరాదుగాక నంటున గుంచె దానితో నవ్వవా నీవు దంటతనమున నీపై దప్పువేయరాదుగాక యింటికాడఁ గాళాంజాపె కియ్యవా విడెము	॥ఎన్ని॥
సారె సారె నీ చేఁతలు చక్కఁబెట్టరాదుగాక చేరి యాల వట్ట మాపెఁ జెక్కు నొక్కవా తారుకాణ సేసి నిన్నుఁ దడవఁగరాదుగాక కోరి యడపముదానిఁ గొనగోర నూఁదవా	॥ఎన్ని॥
వేడుకతో నిన్ను వెల్లవిరి సేయరాదుగాక వాడికఁ గట్టి కాపెను వలపించవా యీడనె శ్రీవేంకటేశ యేలితివి నన్ను నేఁడు వూడిగాలవారినెల్లా వొక్కొకవేళంటవా	॥ఎన్ని॥