ఆంధ్రభారతి - తాళ్లపాక అన్నమాచార్య కీర్తనలు - పెనఁగుతా నాన లేల పెట్టించుకొనేవే నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1987-2
సంపుటము: 29-458

తాళ్లపాక అన్నమాచార్య

రాగము: పాడి

పెనఁగుతా నాన లేల పెట్టించుకొనేవే నీవు మనసు వచ్చిన మీఁద మరచీనా ఇఁకను	॥పల్లవి॥
చక్కరానవు నీవు చదురులాడ నేర్తువు యిక్కడఁ బతి మోహించు టేమి సోద్యమే జక్కవ గుబ్బలు మోపి సరసము లాడితివి మక్కువ నిన్నాతఁడు మరచీనా ఇఁకను	॥పెనఁ॥
నెఱజాణ విన్నిటాను నీ గుణము కోటిసేసు మెఱసి నీ బిన్నాణాలు మెచ్చవద్దటే చిఱునవ్వు వెదచల్లి చిత్తము గరఁచితివి మఱి యీతఁడు నీ పొందు మఱచీనీ యిఁకను	॥పెనఁ॥
పాయపుదానవు నీవు పంపు సేసుకోఁగలవు చే యంటి ప్రియా లీతఁడు చెప్పఁజెల్లునే యీయెడ శ్రీవేంకటేశుఁ డీతఁ డిట్టె నిన్ను నేలె మాయింట దా నుంటే నిన్ను మరచీనా యిఁకను	॥పెనఁ॥