ఆంధ్రభారతి - తాళ్లపాక అన్నమాచార్య కీర్తనలు - గుట్టు సేసి దాఁచరాదు గురిసేసి చూపరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1987-3
సంపుటము: 29-459

తాళ్లపాక అన్నమాచార్య

రాగము: భైరవి

గుట్టు సేసి దాఁచరాదు గురిసేసి చూపరాదు ఇట్టిది నా యాందోళము యింతి యేమి సేతునే	॥పల్లవి॥
మచ్చిక కొండవంటిది మనసు మెయిలువంటిది హెచ్చీ నిదే తుమకము లేమి సేతునే ముచ్చట చెప్పీనంటే ముంచుకొనీ సిగ్గులు పచ్చిదేరీ నుడిగితే భావ మేమిసేతునే	॥గుట్టు॥
చెలిమి తీగెవంటిది చింత వనమువంటిది యెలఇంచీఁ గోరికలు యేమిసేతునే తలఁచుకొంటే సెలవిఁ దతిగొనీ నవ్వులు చెలరేఁగీ వేడుకలు చెలి యేమిసేతునే	॥గుట్టు॥
పాయము పువ్వువంటిది భావము పండువంటిది యేయెడ చూచినా దామే యేమిసేతునే పాయక శ్రీవేంకటాద్రిపతి నన్ను నేలినాఁడు పాయమెల్లాఁ బులకించీ కాంత యేమిసేతునే	॥గుట్టు॥