ఆంధ్రభారతి - తాళ్లపాక అన్నమాచార్య కీర్తనలు - లాలించి కూడఁగరాదా లలన కడుఁ గోమలి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1988-1
సంపుటము: 29-463

తాళ్లపాక అన్నమాచార్య

రాగము: రామక్రియ

లాలించి కూడఁగరాదా లలన కడుఁ గోమలి పాలించితి విఁక నేల పచ్చిసేసేవు	॥పల్లవి॥
వెన్నెలబాయట నాపె విన్నపాలు సేయఁగానే చన్నులేట టిసికేవు సారె సారెకు కన్నుల జంకించి యట్టె కాళ్లకు మొక్కరాఁగానే నున్నఁగా మాఁటిడి మొలనూ లేల పట్టేవు	॥లాలిం॥
చేవల్లకు వచ్చి యాపె చేరి విడె మియ్యఁగానే మోవి యేల యానేవు ముందుగా నీవు పూవులను వేసి నిన్ను పూఁచి చెక్కు నొక్కఁగానే కావరించుకొంటా నేల కాఁగినించేవు	॥లాలిం॥
జమళిఁ గూడి నీ కాపె సరిఁ గత చెప్పఁగానే తమలము వెట్టి యంత తమి రేఁచేవు ఆమర శ్రీవేంకటేశ యలమేల్మంగ ననఁగా సమరతి నింతయేల సాము సేసేవు	॥లాలిం॥