ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడు నేరిచితివో ఇంతేసి కతలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1988-2
సంపుటము: 29-464

తాళ్లపాక అన్నమాచార్య

రాగము: పాడి

ఎన్నఁడు నేరిచితివో ఇంతేసి కతలు నిన్న మొన్నటిదానవు నిన్నెంచి చూచితేను	॥పల్లవి॥
సడఁగులు చల్లి చల్లి చట్రాత నా రొలిచేవు తడయక సిగ్గులనే దడి గట్టేవు అడఁకువ నయాల బయలు వందిలి వెట్టేవు బడినుండి రమణునిఁ బనిగొనఁ గలవే	॥ఎన్నఁ॥
యెలయింపు మాఁటలనే ఇసుకఁ దాడు వేఁడేవే సొలపుఁజూపులనే సొక్కు చల్లేవు సెలవుల నవ్వులనే జిగురుఁగండె లోడ్డేవు యెలమి నీ విన్నిటాను యీడేరుఁగలవే	॥ఎన్నఁ॥
కతకారి తనాలనే గాలి మూటగట్టేవు రతి యొయిలులేనివాన రప్పించేవు యితఁడు శ్రీవేంకటేశుఁ డేలె నలమేల్మంగను చతురత నీవూఁ గొత సాదించఁగలవే	॥ఎన్నఁ॥