ఆంధ్రభారతి - తాళ్లపాక అన్నమాచార్య కీర్తనలు - మమ్ము నేమి యడిగేవు మాపు దాఁకాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1988-3
సంపుటము: 29-465

తాళ్లపాక అన్నమాచార్య

రాగము: సౌరాష్ట్రం

మమ్ము నేమి యడిగేవు మాపు దాఁకాను చిమ్మి రేఁగె సంతోసాలు చిత్తగించవయ్యా	॥పల్లవి॥
మచ్చికలు చెలియాడే మంతనాలలో నున్నవి ముచ్చటలు తేనెగారే మోవి నున్నవి కచ్చుకొన్న వేడుకలు కనుచూపులో నున్నవి విచ్చన విడిగా నీవు విచారించుకోవయ్యా	॥మమ్ము॥
చిడుముడి కోరికలు చెక్కు చేతిలో నన్నవి అడియాసలు జాగరాలం దున్నవి గుడి గొన్న సిగ్గులు గుబ్బలపై నున్నవి తడఁబడక నీలోనే తలఁచుకోవయ్యా	॥మమ్ము॥
నాటుకొన్న సరసాలు నగవులలో నున్నవి గాఁటపుఁ గళలెల్లా మొగాన నున్నవి యీటుతో శ్రీవేంకటేశ యీకె యలమేలుమంగ తేటల నీ వేలితివి తెలుసుకోవయ్యా	॥మమ్ము॥