ఆంధ్రభారతి - తాళ్లపాక అన్నమాచార్య కీర్తనలు - నా మాఁటలోనివాఁడవు నమ్మినదానను నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1988-4
సంపుటము: 29-466

తాళ్లపాక అన్నమాచార్య

రాగము: దేసాళం

నా మాఁటలోనివాఁడవు నమ్మినదానను నేను చే ముంచి నా సేవలెల్లాఁ జిత్తగించవయ్యా	॥పల్లవి॥
చుట్టపు వరుస నిన్ను సొలసితి నింతేకాక యెట్టు సేసినా నేరా లెంచేనా నేను నెట్టుకొన్న వలపుల నీ దిక్కు చూచితిఁగాక చుట్టి నీ మై గురుతులు సోదించేనా	॥నామాఁట॥
మంచితనమున నీ మర్మము లంటితిఁగాక చంచుల నిన్నుఁ జెనకి సాదించేనా కొంచక సంతోసాన గొబ్బున నవ్వితిఁగాక నించి యెగసక్కేలెల్లా నీయందుఁ జేసేనా	॥నామాఁట॥
చెలిమికతైనై నీ చెరఁగు వట్టితిఁగాక బలుములు సేసి నీతోఁ బచారించేనా యెలమి శ్రీవేంకటేశ యే నలమేలుమంగను మలసి నన్నేలితివి మాఁట మీరేనా	॥నామాఁట॥