ఆంధ్రభారతి - తాళ్లపాక అన్నమాచార్య కీర్తనలు - విన్నపము లాలకించి వినవయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1989-1
సంపుటము: 29-469

తాళ్లపాక అన్నమాచార్య

రాగము: ఆహిరి

విన్నపము లాలకించి వినవయ్యా యెన్నికఁగా నీకె పొందు నీడేరించవయ్యా	॥పల్లవి॥
తలఁచు నెప్పుడు నిన్నుఁ దమకించు రతులకు పిలుచు మచ్చికతోడఁ బేరుకొని చెలులతో నీ సుద్దులు చెప్పుకొను బలుమారు కలికి చందము లివి కరుణించవయ్యా	॥విన్న॥
నిక్కి నిక్కి చూచును నీ రాకలో కోరు మొక్కు నివున్న దిక్కుకు మొగమై యుండి అక్కున నదుముకొను నట్టె నీ వుంగరము గక్కన నింతి నింతట గారవించవయ్యా	॥విన్న॥
నీ రూపు పటాన వ్రాసు నివ్వెరగుతో నిలుచు సారె నీ మోవి తేనెకు నోరూరును యీరీతి శ్రీవేంకటేశ యీక యలమేలుమంగ కూరిమి నేలితివి మక్కువఁ బాయకవయ్యా	॥విన్న॥