ఆంధ్రభారతి - తాళ్లపాక అన్నమాచార్య కీర్తనలు - ఎంత భాగ్యవంతుఁడవో యిన్నియును నొనగూడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1989-3
సంపుటము: 29-471

తాళ్లపాక అన్నమాచార్య

రాగము: సామంతం

ఎంత భాగ్యవంతుఁడవో యిన్నియును నొనగూడె మంతనాన నీకె నిట్టె మన్నించవయ్యా	॥పల్లవి॥
చెలిమి చేటఁడు చల్లె చెలియ నీమీఁదను కలికితనాలు నీకు గంపలఁ బెట్టె వలపులు నీ యెదుట వాములుగాఁ గూడ పెట్టె యెలమి నీ కోరికె లేడేరెనయ్యా	॥ఎంత॥
నగవులు మూఁట గట్టె నలినాక్షి నిన్నుఁ జూచి పగట్టుఁ జేఁతులు నీకు బండ్లఁ బెట్టె మొగమిచ్చ లెల్లా నీ ముందరి దొంతి వేరిచె తగులాయములు నీకు దలకూడెనయ్యా	॥ఎంత॥
వాపులు గాదెఁ బోసె వనిత నీ పొందుసేసె మోవి సన్నలు నీమాఁద మోపు గట్టెను యీవేళ శ్రీవేంకటేశ యీకె యలమేలుమంగ దేవులాయ నీ వేడుక తిరమాయనయ్యా	॥ఎంత॥