ఆంధ్రభారతి - తాళ్లపాక అన్నమాచార్య కీర్తనలు - చూచి చూచి నాకైతే సోద్యమయ్యీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1989-4
సంపుటము: 29-472

తాళ్లపాక అన్నమాచార్య

రాగము: రామక్రియ

చూచి చూచి నాకైతే సోద్యమయ్యీని యీ చేఁతలెల్లా మీకు నిద్దరికే చెల్లును	॥పల్లవి॥
సారె సారె నాపె నీపై సణఁగులు చల్లఁగాను వోరుచుక యెట్టున్నావో వోయమ్మ నీవు బీరాన నప్పటి నీతో పెనుఁబంతా లాడఁగాను యీరీతి నేమీ ననవు యెంత మొగమోటమో	॥చూచి॥
వెడ వెడగా నిన్ను వెక్కసాన సాదించఁగా వొడఁబాటు లెట్టాయనో వోయమ్మ నీకు జడియక నీమీఁద జంకెనలు చూపఁగాను యెడనెల నవ్వు నవ్వే వేఁటి చుట్టరికమో	॥చూచిఁ॥
పెక్కుమారు లింతసేసి ప్రియములు చెప్పఁగాను వొక్కటైతి వే గుణమో వోయమ్మ నీది ఇక్కడ శ్రీవేంకటేశ యేలితివి నన్ను నేఁడు యిక్కడి కాపెఁ దెచ్చేవు యెంత జాణతనమో	॥చూచి॥