ఆంధ్రభారతి - తాళ్లపాక అన్నమాచార్య కీర్తనలు - ఇన్నింటికి సెలవుగా నిదిగో నీకు మొక్కేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1989-5
సంపుటము: 29-473

తాళ్లపాక అన్నమాచార్య

రాగము: వరాళి

ఇన్నింటికి సెలవుగా నిదిగో నీకు మొక్కేను మన్నించి నాపై కరుణ మఱవకువయ్యా	॥పల్లవి॥
కలికితనాల నిన్ను కడుఁగడుఁ గొసరితి కలకల నవ్వి నవ్వి కరఁగించితి మొలక చన్నుల నొత్తి మొగమోడించితి నిన్ను యెలమి నా వుద్దండాలు యెన్నిలేవయ్యా	॥ఇన్ని॥
సారెకు వలపు చల్లి చనవు సాదించితి కూరిమిగొసరి నిన్ను గుంపించితి పేరుకొని నా యెంగిలి పెద్దవులఁ బిలిచితి యీరీతి నా తమకము యేమి చెప్పీనయ్యా	॥ఇన్ని॥
చక్కదనములు చూచి సరసము లాడితి పెక్కులాగుల రతులఁ బెనఁగితి యిక్కువలంటి శ్రీవేంకటేశ నన్ను నేలితివి యిక్కడ నా కోరికలు యీడేరెనయ్యా	॥ఇన్ని॥