ఆంధ్రభారతి - తాళ్లపాక అన్నమాచార్య కీర్తనలు - ఇందరు నెరిఁగినవి యీ పనులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1989-6
సంపుటము: 29-474

తాళ్లపాక అన్నమాచార్య

రాగము: సాళంగనాట

ఇందరు నెరిఁగినవి యీ పనులు పొందులెల్లా నీడేరె బోగించఁగదవే	॥పల్లవి॥
కొనచూపుల నవిగో కొసరులు వొనరె ముక్కున నసురుసురులు మునుకొనెఁ జెమటల ముసురులు తనిసి రతి చిన్నలు దాఁచ నిఁకనేఁటికే	॥ఇంద॥
మోవిపై నవె నవ్వుల మొరఁగులు కావరపు మనసులో కరఁగులు తేవలఁ గొప్పు జారిన తెరఁగులు చేవఁదేరెఁ బను లిఁక సిగ్గువడనేఁటికే	॥ఇంద॥
గుబ్బలపై నిండె నవె గుఱుతులు గుబ్బి పచ్చి మాఁటల కఱతలు గొబ్బున శ్రీవేంకటేశు కూటములు అబ్బె నీకు యీచేఁత లడఁచఁగనేఁటికే	॥ఇంద॥