ఆంధ్రభారతి - తాళ్లపాక అన్నమాచార్య కీర్తనలు - నిన్నుఁ జెప్పి చూపితేను నెరజాణ విన్నిటాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1990-2
సంపుటము: 29-476

తాళ్లపాక అన్నమాచార్య

రాగము: ముఖారి

నిన్నుఁ జెప్పి చూపితేను నెరజాణ విన్నిటాను నన్ను నెన్నిచందాల నమ్మించేవయ్యా???	॥పల్లవి॥
మొలకచన్నులదాన మోవితేనెలదాన నలిరేఁగి నాతో నేమి నవ్వేవయ్యా చిలుకుఁజూపులదాన సిగ్గరితనాలదాన పలుమారు నెంత వొడఁబరచేవయ్యా	॥నిన్నుఁ॥
కొంచెపు నదిమిదాన కోమలపు మేనిదాన పొంచి పొంచి యింతయేల పొదిగేవయ్యా అంచ నడపులదాన అన్నువ పాదాలదాన వంచనతో మొక్కే నేల వలపించేవయ్యా	॥నిన్నుఁ॥
కొడిదెఁడు మోముదాన కోవిల యెలుఁగుదాన చిడుముడి నెందాఁకాఁ జెనకేవయ్యా యెడయక శ్రీవేంకటేశ నన్ను నేలితివి కడుమేలుదాన నెన్ని కతలు చెప్పేవయ్యా	॥నిన్నుఁ॥