ఆంధ్రభారతి - తాళ్లపాక అన్నమాచార్య కీర్తనలు - ఎంచితే నొకటి కొక టెక్కుడాయ సింగారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1990-4
సంపుటము: 29-478

తాళ్లపాక అన్నమాచార్య

రాగము: శ్రీరాగం

ఎంచితే నొకటి కొక టెక్కుడాయ సింగారము మించిన యీపె వొరపు మిక్కిలి సింగారము	॥పల్లవి॥
చెలివదనమునకు చిరునవ్వు సింగారము పలువరుసకు ముద్దుఁబలుకు సింగారము కలికి కన్నులకు చింక చూపులు సింగారము నిలువు దారుమునకు నెరులు సింగారము	॥ఎంచి॥
గరిమ మొగమునకు కళలు సింగారము వురమునకు చన్నుల వుద్దుటు సింగారము సరుస బొమ్మలకును జంకెనలు సింగారము సిరి దొలఁకు మేనికి సిగ్గులు సింగారము	॥ఎంచి॥
పెనుఁ బిరుఁదుకు మురిపెములు సింగారము వొనరిన వేతులకు వొయ్యారాలు సింగారము ననిచి శ్రీవేంకటేశునకు నీకు దేవులాయ పెనగొన్నరతు లివి పెండ్లి సింగారము	॥ఎంచి॥