ఆంధ్రభారతి - తాళ్లపాక అన్నమాచార్య కీర్తనలు - అల్లవాఁడె గద్దెమీఁద నంగనలు గొలవఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1991-1
సంపుటము: 29-481

తాళ్లపాక అన్నమాచార్య

రాగము: రామక్రియ

అల్లవాఁడె గద్దెమీఁద నంగనలు గొలవఁగా వుల్లాసముతో నవ్వీని ఉద్దగిరి కృష్ణుఁడు	॥పల్లవి॥
పచ్చఁబట్టు దట్టివాఁడు బాలకృష్ణుఁడు పచ్చి దేరే పెదవుల బాలకృష్ణుఁడు బచ్చన చక్రముచేతి బాలకృష్ణుఁడు పచ్చారి వలపులనే బాలకృష్ణుఁడు	॥అల్ల॥
బలురోలఁ గట్టువడె బాలకృష్ణుఁడు బలిమి మద్దుల దోసె బాలకృష్ణుఁడు పలు గోపికలఁ గూడె బాలకృష్ణుఁడు బలరాము తమ్ముఁడు బాలకృష్ణుఁడు	॥అల్ల॥
పట్టినాఁడు వెన్నముద్ద బాలకృష్ణుఁడు పట్టుఁగొమ్ము సురలకు బాలకృష్ణుఁడు బట్ట బయట మెరసే బాలకృష్ణుఁడు పట్టపు శ్రీవేంకటాద్రి బాలకృష్ణుఁడు	॥అల్ల॥