ఆంధ్రభారతి - తాళ్లపాక అన్నమాచార్య కీర్తనలు - ఎంతలేదు నీ యాసోద మేమి చెప్పేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1991-3
సంపుటము: 29-483

తాళ్లపాక అన్నమాచార్య

రాగము: ముఖారి

ఎంతలేదు నీ యాసోద మేమి చెప్పేది వింత వింత రతులనే వినోదించేవు	॥పల్లవి॥
యెడమాఁటలాడేటి ఇంతితో సారెసారెకు తడవి తడివి జాణతనా లాడేవు కడనుండి వేరొకతె కానుకియ్య వచ్చితేను నడుమ నూరకె నీవు నవ్వునవ్వేవు	॥ఎంత॥
పేరటమువచ్చి నాపె పెండ్లిపాట వాఁడగాను కూరిమి గొసరి యేల కొంగువట్టేవు నేరుపుతోడ నొకతే నీవేడుక చూడఁగాను పోరచి వలపు చల్లి పువ్వుల వేసేవు	॥ఎంత॥
సాకిరై వచ్చినయట్టి సతి వద్ద నుండఁగాను మేపులకు సాపెతోను మేలమాడేవు యీకడ శ్రీవేంకటేశ యేలితివి నన్ను నేఁడు పై కొసరువారి కేల బాఁతిపడేవు	॥ఎంత॥