ఆంధ్రభారతి - తాళ్లపాక అన్నమాచార్య కీర్తనలు - చుట్టపు వరుస నన్నీ సుదతి సింగారమాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1991-6
సంపుటము: 29-486

తాళ్లపాక అన్నమాచార్య

రాగము: పాడి

చుట్టపు వరుస నన్నీ సుదతి సింగారమాయ దట్టమై యొకటి కొకటి దాపులాయఁ గదవే	॥పల్లవి॥
తొలుతనే సతి మోవి దొండపండై యుండఁగాను పలుకుఁ జిలుక లందు పరఁగుఁగదే తళుకుఁ గన్నులు మంచి తామరలై వుండఁగాను అలరు నెరిఁ దుమ్మిద లమరుఁగదే	॥చుట్ట॥
సరసనే నెమ్మోము చెందురుఁడై వుండఁగాను గరిమ నవ్వు వెన్నెలఁ గాయు గదవే గురు కుచుములు పెద్దకొండలై వుండఁగాను సిరుల నడు మనేటి సింహము చేరుగదే	॥చుట్ట॥
కడలేని యీకె మేను కనకమై వుండఁగాను వుడివోని మించు వన్నె లుండుఁగదవే జడియక పిరుఁ దిది చక్రమై వుండఁగాను బడి శ్రీవేంకటేశుఁడు పట్టుకండుఁగదవే	॥చుట్ట॥