ఆంధ్రభారతి - తాళ్లపాక అన్నమాచార్య కీర్తనలు - ఎదుటనే వుండఁగాను యెడమాఁట లేమిటికే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1992-3
సంపుటము: 29-489

తాళ్లపాక అన్నమాచార్య

రాగము: దేసాళం

ఎదుటనే వుండఁగాను యెడమాఁట లేమిటికే కదిసి పెనఁగులాడే కలయికలే మేలే	॥పల్లవి॥
మచ్చికలు నెరపితే మనసు లేకము లౌను ఇచ్చకము తెచ్చితేనే యింపులు వుట్టు ముచ్చటలు గలసితే ముదురు నడియాసలు మెచ్చులుగా బతితోడి మేలములే మేలే	॥ఎదు॥
నగవు లుప్పతిలితే ననుపులు సమకూడు మొగమాట గలిగితే మొనయు దమి తగులాయా లొనరితే దట్టమౌను వలపులు మగవానితో మంచిమాటలే మేలే	॥ఎదు॥
చూపులు తారసించే సొంపులు మిక్కుటమౌను కాఁపురాలు దొరకితే గట్టియౌఁ బొందు పైపై నీమీఁది బత్తిఁ బాయక నన్నేలినాఁడు చేపట్టి శ్రీవేంకటేశు సేవలే మేలే	॥ఎదు॥