ఆంధ్రభారతి - తాళ్లపాక అన్నమాచార్య కీర్తనలు - తానే వచ్చీ నాతఁడు తడవకురే మీరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1993-1
సంపుటము: 29-493

తాళ్లపాక అన్నమాచార్య

రాగము: శంకరాభరణం

తానే వచ్చీ నాతఁడు తడవకురే మీరు తానకమై నా కోరిక తగుల కేలుఁ(లుం?)దునే	॥పల్లవి॥
వలచిన కొలఁదినే వాడికలు సమకూడు తలఁచినకొలఁదినే తమి రేఁగును పలికినకొలఁదినే పంతములు నీడేరు కలది గలంతేకాక కడమ లే లవునే	॥తానే॥
నగినకొలఁదినే నాఁటుకొనుఁ బ్రియములు సొగిసినకొలఁదినే చుట్టరికము మొగమిచ్చుకొలఁదినే మొనయు సరసములు తగులైనకూటములు తతులేల దాఁటునే	॥తానే॥
కూడినకొలఁదినే కూరిములు కొనసాగు యీడైనకొలఁదినే ఇంపులు వుట్టు వేడుకతో న న్నిట్టె శ్రీవేంకటేశుఁ డేలినాఁడు వీడని జంటలు యెట్టు విచ్చి చెప్పవచ్చునే	॥తానే॥