ఆంధ్రభారతి - తాళ్లపాక అన్నమాచార్య కీర్తనలు - గుట్టుతో నుండుటే మేలు కోమలులకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1993-6
సంపుటము: 29-498

తాళ్లపాక అన్నమాచార్య

రాగము: సాళంగనాట

గుట్టుతో నుండుటే మేలు కోమలులకు చుట్టపు వరుస రతిఁ జొక్కించేనయ్యా	॥పల్లవి॥
సరుసఁ గూచుండఁగాను చన్ను లొరసునో యేమో సిరులు మించఁ గొలువు సేసేనయ్యా మరలి చూడఁగానే మర్మములు సోఁకునేమో వరుసతోడుత దలవంచుక మొక్కేనయ్యా	॥గుట్టు॥
చేరి వీడె మియ్యఁగాను చెమట లంటునో యేమో వూరకే వుయ్యాలమంచ మూఁచేనయ్యా కోరి కొప్పు దువ్వఁగాను కొనగోరు దాఁకునేమో నేరుపుతోఁ గుంచెవేసి నిలుచుండేనయ్యా	॥గుట్టు॥
చేముట్టి పెనఁగఁగఁగాను చిత్తము గరఁగునేమో దోమటి దొడికి కాలు దొక్కేనయ్యా యీమేర శ్రీవేంకటేశ యిట్టె నన్ను నేలితివి నాములెక్క నిఁక నీతో నవ్వేనయ్యా	॥గుట్టు॥