ఆంధ్రభారతి - తాళ్లపాక అన్నమాచార్య కీర్తనలు - ఆతనికి నీవు మేలు ఆతఁడు నీకు మేలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1994-1
సంపుటము: 29-499

తాళ్లపాక అన్నమాచార్య

రాగము: దేసాళం

ఆతనికి నీవు మేలు ఆతఁడు నీకు మేలు చేతులెత్తి మొక్కి ఇట్టె సేవసేయవే	॥పల్లవి॥
మనసు లెడసినాను మంచిమాఁటలె మేలు ననుచకుండినాను వినయమే మేలు పెనఁగులాడినాను ప్రేమపు నవ్వులే మేలు అనిశము పతితోడ నాఁటదానికి	॥ఆత॥
కోపము గలిగినాను కొసరుఁజూపులె మేలు తోపు నూపుడైనా సంతోసాలే మేలు రాఁపు లెక్కడైనా నూరకె వోరుచుటే మేలు చేపట్టిన పతితోడ చెలియకును	॥ఆత॥
వేవేలు నేరములైనా వేడుకతో నుంటే మేలు కావరించు యొరసినా కాఁగిలే మేలు భావించి నిన్నేలినాఁడు పట్టపుదేవులఁజేసి శ్రీవేంకటపతి మేలు చేరీ మగువ నీకు	॥ఆత॥