ఆంధ్రభారతి - తాళ్లపాక అన్నమాచార్య కీర్తనలు - వేసరకు చెలియా వేగమె వచ్చీ నాతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1994-2
సంపుటము: 29-500

తాళ్లపాక అన్నమాచార్య

రాగము: ఆహిరి

వేసరకు చెలియా వేగమె వచ్చీ నాతఁడు ఆసల దానే నిన్ను నాదరించీఁ గాని	॥పల్లవి॥
వెలవెట్టి కొంటే రాదు వేడుకైన వలపు తలఁపు కొలఁదినే తగులుఁగాని బలిమికి లోఁగాదు బాఁతియైన వలపు చెలఁగి మంచిమాఁటల చేకూడుగాని	॥వేస॥
పట్టి తీసితే నబ్బదు బాగైన వలపు చుట్టపు వరుసనే సొగియుఁగాని బట్టబయటను లేదు పాదుకొన్న వలపు దట్టపు వినయాలనే తలకొనుఁగాని	॥వేస॥
వొడిఁబెట్టితే నుండదు వుదుటైన వలపు వుడివోని రతులనే వొద్దికౌఁగాని యెడయక శ్రీవేంకటేశుఁ డిదె నిన్ను నేలె విడువ కిట్ల నుంటే వినోదయౌఁగాని	॥వేస॥