ఆంధ్రభారతి - తాళ్లపాక అన్నమాచార్య కీర్తనలు - ఉల్లములో తలపోఁత నోలలాడుచున్నదాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1994-3
సంపుటము: 29-501

తాళ్లపాక అన్నమాచార్య

రాగము: శ్రీరాగం

ఉల్లములో తలపోఁత నోలలాడుచున్నదాన వెల్లవిరిగాఁ జెప్పవే వేడుకయ్యీఁ జెలియా	॥పల్లవి॥
వచ్చునొకో ఆతఁడు నా వాకిటికి నెప్పుడైనా మెచ్చునొకో నాతోను మేలము లాడి యిచ్చునొకో చనవు నా కిందరిలో నా నేఁడు హెచ్చెఁ గోరికలు నాలో నేముందునే చెలియా	॥ఉల్ల॥
కందునొకో యాతనిఁ గన్నులయెదుట నేను విందునొకో మాఁటలు వీనులారను పొందునోకో నాకాఁగిట బుజ్జగించి ఇట్టె తాను సందడించీఁ దమకమెంచఁగరాదే చెలియా	॥ఉల్ల॥
యెక్కునొకొ నా సేవ లిన్నియును నాతనికి చొక్కునొకొ నా రతుల సులభానను దక్కునొకొ యనఁగానే తానె శ్రీవేంకటేశుఁడు ఇక్కడికె విచ్చేసి యేలె నన్నుఁ జెలియా	॥ఉల్ల॥