ఆంధ్రభారతి - తాళ్లపాక అన్నమాచార్య కీర్తనలు - వలచిన యాఁటదాని వద్దంటే దోసముగాదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1994-4
సంపుటము: 29-502

తాళ్లపాక అన్నమాచార్య

రాగము: పాడి

వలచిన యాఁటదాని వద్దంటే దోసముగాదా వెలలేని మన్ననల వెలయించరాదా	॥పల్లవి॥
సేసకొప్పువంచి మొక్కి చెలి యెదుట నున్నది ఆసతోఁ గాఁగిట నించి యలమరాదా రాసికెక్క ముత్యాల యారతి నీకు నెత్తీని వాసి వన్నెతోడ నాపె వద్దఁబెట్టుకోరాదా	॥వల॥
కంకణాల చేతులను కానుక నీకు నిచ్చీని అంకెలను గారవించి యందుకోరాదా సుంకుమోవ నవ్వు నవ్వి చుట్టరికాలు చూపీని పొంకముగా నాపె తోడి పొందు సేయరాదా	॥వల॥
వినయాన మోవితేనెవిందు నీకుఁ జెప్పీని చెనకుచుఁ గాఁపురాలు సేయరాదా యెనసితివి శ్రీవేంకటేశ నన్ను నింతలోనె మనిసిచ్చి యాపెతోడ మాఁటలాడరాదా	॥వల॥