ఆంధ్రభారతి - తాళ్లపాక అన్నమాచార్య కీర్తనలు - మచ్చికతో నన్నుఁ జూచి మన్నించెఁగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1995-1
సంపుటము: 29-505

తాళ్లపాక అన్నమాచార్య

రాగము: భైరవి

మచ్చికతో నన్నుఁ జూచి మన్నించెఁగాక ఇచ్చకురాలనైతి ఇఁక నాకుఁ దగునే	॥పల్లవి॥
చనువుగలవారికి సాదించినాఁ దగు ననిచినవారికి జెనకఁదగును యెనసినవారికి నేమిసేసినాఁదగు ననుబోఁటివారికి నగఁదగునటవే	॥మచ్చి॥
చెలిమిగలవారికి చేరి పెనఁగఁగఁదగు బలువుగలవారికి పైకొనఁదగు కలసినవారికి కన్నుల జంకించఁదగు అలవోక మాకెల్లా నంటఁదగవటవే	॥మచ్చి॥
వేడుకగలవారికే వేగిరించినాఁదగు వాడికెగలవారికి వంతులుదగు యీడనే శ్రీవేంకటేశుఁ డింతలోనె నన్ను నేల కూడి మావంటివారికి కొంకఁదగునటవే	॥మచ్చి॥