శృంగార సంకీర్తన
రేకు: 1995-5
సంపుటము: 29-509
రేకు: 1995-5
సంపుటము: 29-509
తాళ్లపాక అన్నమాచార్య
రాగము: లలిత
| అన్నిటా బలిమికాఁడ వౌదువు నీవు సన్నుతించి నీకు నేము సాగిలి మొక్కేమయ్యా | ॥పల్లవి॥ |
| వింటిమి నీ సుద్దులు విరిచిన మద్దులు బంటపంతపు చాణూరుపై గుద్దులు గొంటిరి నీ బుద్దులు గునిసేటి ముద్దులు ఇంటింటి వారెల్లా నివె యెంచుకొనేరయ్యా | ॥అన్ని॥ |
| చూచితి నీ చేఁతలు సుగందపు పూఁతలు లాచి యమునలో నీ మేలుపు యీఁతలు తాఁచి నాఁగేటి కీఁతలు తగు జాతర మేఁతలు యే చాయఁ జూచినా సతు లెంచుకొనేరయ్యా | ॥అన్ని॥ |
| తెలిసితి నీ పొందులు తేర విదురువిందులు నలి నుట్లు గొట్టిన గోనాల గొందులు యెలిమి శ్రీవేంకటేశ ఇట్టె నన్ను నేలితివి యిలలో నీ గరిమలే యెంచుకొనేరయ్యా | ॥అన్ని॥ |