ఆంధ్రభారతి - తాళ్లపాక అన్నమాచార్య కీర్తనలు - కాంత సిగ్గరికత్తె గయ్యాళించ నేరదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1996-4
సంపుటము: 29-514

తాళ్లపాక అన్నమాచార్య

రాగము: రామక్రియ

కాంత సిగ్గరికత్తె గయ్యాళించ నేరదు సంతోసముతోడ నిట్టె చనవియ్యవయ్యా	॥పల్లవి॥
చెలి యానఁ వెట్టఁగాను చేతులెత్తి మొక్కఁగాను బలిమితో చన్ను లేల పట్టేవయ్యా పలుమారు వేడుఁకోఁగా పంతము లియ్యఁగాను కెలనఁ గూచుండి యెంత గిలిగించేవయ్యా	॥కాంత॥
పెనఁగులాడఁగాను ప్రియములు చెప్పఁగాను కొనగోరఁ జెక్కులేల చెనకేవయ్యా మునుకొని వొడ్డుకోఁగా మోవి లంచమయ్యఁగాను యెనగొని నిమ్మపంటనేల వేసేవయ్యా	॥కాంత॥
సారె సారె సొలయఁగా సంగడిఁ గూచుండఁగాను చేరి వుద్దండాలేల సేసేవయ్యా యీరీతి శ్రీవేంకటేశ యీకె నిన్నుఁ బెండ్లాడఁగా కోరికె లీడేరె నేమి కొలఁది వెట్టేవయ్యా	॥కాంత॥