ఆంధ్రభారతి - తాళ్లపాక అన్నమాచార్య కీర్తనలు - పట్టరాని తమితోడ బాఁతి పడే మింతేకాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1996-6
సంపుటము: 29-516

తాళ్లపాక అన్నమాచార్య

రాగము: మాళవిగౌళ

పట్టరాని తమితోడ బాఁతి పడే మింతేకాక యెట్టు సేసినా నీకు యెరపు సతమయ్యీనా	॥పల్లవి॥
వేసదారి మాఁటలాడి వేడుక నవ్వులు నవ్వి ఆసల నెంత వెట్టేవే ఆతని నీవు ఆ సుద్దులటు వెట్టవే యటువంటివాఁడుగాఁడు నా సొమ్మయినవాఁడు నీ సన్నలకు లోనయ్యీనా	॥పట్ట॥
సొలసి సొలసి చూచి చొక్కులనల్లాఁబెట్టి యలయించనేమిటికే యాతని నీవు చలము లిఁక మానవే సమ్మతించఁ డాతఁడు తొలుతే నన్నేలె నీ పొందులకుఁ జిక్కీనా	॥పట్ట॥
కప్పురము మోవిఁ జూపి కాఁగిటికి లాఁచి లాచి అప్పటిఁ గొసరేవేవే యాతని నీవు యిప్పుడు శ్రీవేంకటేశుఁ డిన్నిటాను నన్ను నేలె వొప్పగు నా రమణుఁడు వొద్దిక నీకయ్యీనా	॥పట్ట॥